بلی داش یاغسا دا گویدن ،سن اوسان منده بویام

سو دئییب دیر منه اولده  آنام آب کی یوخ

یوخو اویرتدی اوشاقلیقدا منه خواب کی یوخ

ایلک دفعه کی چوره ک وئردی منه نان دئمه دی

ازلیده ن  منه  دوزدانه  نمکدان  دئمه دی

آنام اختر دئمییب دیر منه اولدوز دئییب او

سو دوناندا دمییب یخدی بالا بوز دئییب او

قار دئییب ، برف دئمییب ، دست دئمییب ال دئییب او

منه  هیچ واخت بیا سویلمییب ، گل دییب او

یاخشی خاطر لایرام یاز گونی آخشام چاغی لار

گل دئیه ردی داراییم باشینی ای نازلی بالام

گلمه سن گر ، باجینین آستاجا زولفون دارارام

او دئمه زدی کی: بیا شانه زنم بر سر تو

گر  نیایی  بزنم  شانه  سر  خواهر  تو

بلی داش یاغسا دا گویدن ،سن اوسان منده بویام

وار سنین باشقا آنان واردی منیم باشقا آنام

اوزومه مخصوص اولان باشقا ائلیم واردی منیم

 اوزومه مخصوص اولان باشقا دیلیم واردی منیم

ایسته سن قار داش اولاق ، بیر یاشایاق بیر لیک ائدک

وئریین قول ، قولا بوندان سورا، بیر یولدا کئدک

اولا اؤزگه گولک لرله گرک آخمایاسان

ثانیا وارلیغیما ، خلقیما خور باخمایاسان

یوخسا گر زور دیه سن ، ملتیمی خار ائدسن

گون گلر صفحه چونر ، مجبور اولارسان گئده سن